ထင်သလို မမြင်နဲ့
*************
တိမ်တွေကို အတွေးနဲ့မျှားသလို
အစားပျက်ခံ အိပ်ယာထက်မှာခွေမနေနဲ့နော်
ခြောက်သွေ့သွေ့ ခံစားချက်တွေနဲ့
ကောင်ကင်ထဲ ငြမ်းစင်ထိုး လမင်းကို မီးလုံးအဖြစ်
လက်ဆောင်ပေးချင်သူတွေနဲ့
အွန်လိုင်းပေါ်မှာလည်း စကားသိပ်မပြောနဲ့နော်
ပြောရလွယ်သလို သိသလောက်လဲ မကျင့်ကြံနိုင်တဲ့
လူတွေကြား ရင်ဘတ်တွေသာ ဟောက်ပက်ပက် ဖြစ်သွားမယ်
မေတ္တာစစ်ရှားဆဲမို့
ပြင်မရတဲ့ နောင်တ မရစေချင်လို့ပါ
ဘဝဆိုတာ ခါးသီးနေရင် ချိုတာရှာ၊
မှောင်နေရင် အလင်းရှာယူ၊
ကွေ့ကွေ့ကောက်ကောက်ဆို ဖြောင့်ဖြူးတာရှာရတာမို့
ခဏခဏ စိတ်ပျက်တယ်/စိတ်ညစ်တယ်
ညည်းတွား မနေပါနဲ့နော်
ပိုင်ဆိုင်ဖို့မသေချာသေးပေမယ့် ရှာဖွေပိုင်ခွင့်
လူသားတိုင်းမှာရှိပါတယ်
မောင်နှမလိုဖြစ်ဖြစ် သူငယ်ချင်းလိုဖြစ်ဖြစ်
သူတစ်ပါးအပေါ်လဲ အရမ်းဂျီကျမနေနဲ့ဦး
လူကောင်းထက် အရေခြုံများနေလို့....
No comments:
Post a Comment