ခံစားမှုသေဆုံးခြင်း
��������������
တမ်းတ စွဲမက် လွန်းလို့ထင်တယ်
သုညနာရီဆိုရင် မောနီးပါလို့
ထထပြီးယောင်အော်တတ်နေပြီ
၁၂နာရီ၊ ၁၂မိနစ်မှာ 12:12လို့ အခြားသူကိုပြောနေရော့လား
သုညနာရီတွေ တစ်ညပြီးတစ်ည ဖြတ်ကျော်ရင်း
တစ်ဆောင်းကုန် တစ်နွေပြောင်းလို့
အဖော်သစ်တွေနဲ့ ပျော်ရွှင်ပါစေလေ
အချိန်တော်ကြာ စီးလာတဲ့ နွမ်းပါးပါး ဖိနပ်တစ်ရံ
မစီးချင်လို့ အသစ်ပြောင်းရင်တောင်
အဟောင်းထက်တော်၍ ဖိနပ်ပေါက်မှု ကင်းပါစေလေ
မှန်တော့မှန်တယ်၊ ဒါပေမယ့် မှားနေသေးတယ် တဲ့
နှစ်သိမ့်မှုတစ်ချို့ဟာ ဝန်ကြီးတစ်ချို့နဲ့တူတယ်
ရယ်စရာတွေ ဖြစ်တတ်လို့လေ
ချစ်တော့ချစ်တယ် ဒါပေမယ့်....
ရပ်လိုက်ကြပါ နာရီတွေကို အသစ်ပြန်သတ်မှတ်ချင်တယ်
မှန်ရင်မှန် မှားရင်မှားလို့ကြားချင်သူက
ချစ်ရင်ချစ် မုန်းရင်မုန်း တစ်ခုကိုမပြသချင်ဘူးတဲ့လား
ခပ်နွမ်းနွမ်းဥယျာဉ် ဒီရင်ခွင် ကာဗွန်မစုပ်နိုင်လို့
ကိုင်းပြောင်းလို့ အမြင့်ပျံလည်း ပျံပါလေ
ကံရယ်ကုန် ရေစက်ခြားလို့
ပတ်သတ်မှု မရှိတော့ဘူးဆိုရင်တောင်
ခပ်ဝါးဝါးဆေးသားနဲ့ ပန်းချီကားတွေလို
ကဗျာမပီ စာမမှီ စာတွေဖွဲ့သီရင်း
ခပ်နုံနုံနှလုံးသားကို မြှုပ်နှံလို့
မင်းချမ်းမြေ့ပါစေလေ
No comments:
Post a Comment